Seanca gjyqësore ndaj ish-deputetit të PD, Klevis Balliu është shtyrë për shkak të mos njoftimit të njërit prej të pandehurve.
Në dalje të Gjykatës së Tiranës, ai tha se gjykimi i çështjeve bëhet në mënyrë selektive nga gjykata. Më tej Balliu paraqiti foton e një shtëpie që pretendon se është e familjes së prokurores Elizabeta Imeraj pikërisht në “vijën e kuqe” që e prekte projekti, por nuk ia kanë shembur. Sipas tij ky është një favor nga prokurorja për kryebashkiakun Veliaj.
“Shihni qytetarë të thjeshtë që enden në dyert e gjykatave, mbi 100 çështje për banorët e unazës, kolegë deputetë, gazetar ndaj kriminelëve me këta të fundit që lirohen nga gjykata. Nuk e di se për çfarë më akuzon, fillimisht më thanë ke thyer krahun e një polici, ai është zhdukur në drejtim të paditur. Pse nuk funksion ligji për dhunën ndaj banorëve të bregut të ligjit, kur vidhen 40 mln euro tek Unaza e Re, kur fitojnë tendera korruptiv e partive. këtu nuk ka drejtësi. Unë e kam sjellë kallëzimin penal ndaj Veliajt dhe ia kam dorëzuar në dorë Elizabeta Imerajt, dhe kjo shtëpi e saj e familjeve të saj nuk shembet. Kjo prokurori do hetojë këtë çështje. Si nuk e gjeti ligjin për tenderin fiktiv, si nuk gjen një ligj për kontratat fiktive të Veliaj. Këtu nuk ka gjykata, por një grup banditësh, kriminelësh”, tha Balliu.
Sa i përket shtyrjes së seancës ndaj tij, Balliu u shpreh se kjo është një formë e Ramës për të ushtruar presion.
“Kjo bëhet për presion dhe lojëra, njoftojnë tre persona dhe jo personin e katër. Këto gjyqe po shfrytëzohen nga Rama për presione politike”, përfundoi Balliu. /Opinion.al
