Hapja e listave e futur përsëri politikën shqiptare në debat të ashpër. Lidhur me këtë çështje ka folur Sekretari i Përgjithshëm i Partisë Socialiste Taulant Balla.
Teksa mori pjesë në e Asamblenë Socialiste në Belshi, Balla tha se hapja e listave tashmë është një fakt dhe se opozita duhet të heqë dorë nga ndërtimi i alibive, duke u fshehur pas akuzave dhe bllofeve.
Sipas Ballës ndryshimet e propozuara janë të bazuara në modelet e Austrisë, Belgjikës, Kroacisë, Republikës Çeke, Suedisë etj.
“Hapja e listave tashmë është një fakt dhe nuk ka më kohë për të humbur, për të votuar Kodin Zgjedhor. Humbësit përsëritës duhet të heqin dorë nga ndërtimi i alibive, duke u fshehur pas akuzave dhe bllofeve. Ne jemi gati ta diskutojme propozimin në mënyrë gjithëpërfshirëse. Zgjedhjet e 25 prillit po afrojnë dhe brenda pak javësh duhet të kemi miratuar reflektimin në Kod të ndryshimeve kushtetuese. Lista e kandidatëve të subjektit zgjedhor do të jetë 100% e hapur. Çdo kandidat në listë i nënshtrohen votimit parapëlqyes nga zgjedhësit. Çdo zgjedhës ka të drejtën që krahas partisë apo koalicionit zgjedhor të vendosë shenjën edhe tek emri i një kandidati/kandidateje të preferuar. U jepet e drejta zgjedhësve që të ndryshojnë renditjen e kandidatëve dhe respektivisht ndarjen e mandateve duke vlerësuar ata kandidatë që demonstrojnë që gëzojnë një mbështetje të madhe, edhe mbi vet renditjen e partisë që i propozon. Propozimi ynë ruan plotësisht edhe pragun e përfaqësimit gjinor. Një parim i tillë aplikohet në një sërë vendesh me sistem të ngjashëm elektoral ku zgjedhësit kanë të drejtë të ri-rëndisin kandidatët e rrjedhimisht mandatet e fituara elektorale”,-tha Balla.
Më herët, Presidenti Ilir Meta i bëri thirrje qeverisë që hapi listat ose të largohet, duke theksuar se çdo manovër për mashtrim do të ndëshkohet./ Opinion.al
