Mediat greke kanë zbuluar të tjera detaje nga vrasja e 40-vjeçares Enkelejda Danaj në Greqi.
Mësohet se 40-vjeçarja ishte nënë e dy fëmijëve, një vajze dhe një djali.
Një banore e zonës në Menidi, ka treguar se vajzën e pa në gjendje shoku duke folur në telefon dhe duke thënë se babai i saj ka vrarë nënën e saj.
Ajo shpërtheu në lot dhe me një foto të nënës në celular pyeste policin nëse gruaja e vrarë ishte mamaja e saj 40-vjeçare.
“Një vajzë e vogël erdhi këtu në vendin e ngjarjes, dhe tha ‘ndoshta është nëna ime’ ndërsa ajo po qante. Ajo i tregoi një foto Policisë dhe kështu u identifikua si nëna e saj. Ajo tha se mamaja e saj nuk shkoi në punë sot dhe pasi ia tregoi fotografinë policisë, u tha se babai i saj e kishte vrarë’.
Ajo fliste në telefon dhe thoshte ‘më kanë vrarë mamanë, kanë vrarë mamanë ime, ajo ishte shumë e tronditur’.
‘Ndoshta babai e vrau atë, e gjeti rrugës për në punë’”,tregoi dëshmitarja.
