Sociale

Babai i 12-vjeçarit që vdiq në Greqi: Ma sollën djalin të vdekur


Bëhu pjesë e Grupit Zyrtar të Opinion.al
>> KËTU <<
               Publikuar në : 15:45 - 22/08/21 |
Opi Nion

Një 12-vjeçar me origjinë shqiptare ndërroi jetë në Zakynthos, pasi ra në kontakt me rrymën elektrike. Fëmija shkoi të luante në zonën e kondicionimit të një hoteli, por ra në kontakt me një tel të zhveshur dhe ndërroi jetë.

Autoritetet greke kanë vënë në pranga 3 persona mes të cilëve edhe pronarin e hotelit, ndërsa babai i të miturit ndërsa ka folur për mediat vendase ka treguar momentin kur i kanë sjellë trupin e pajetë të të birit.

“Nuk kam fjalë…më sollën djalin të vdekur në duart e mi. Ma solli babai i shokut të tij dhe komshiu im. Ai iku nga kjo jetë menjëherë, nuk u dëgjua asnjë i bërtitur apo zë. Po luante me shokët e tij”, tha ai babai i vogëlushit.

Ai tha se shokët e tij moshatarë panë të gjithë skenën, ndërsa pohoi se do ta ndjekë çështjen në rrugë ligjore.

“E panë shokët kur ishte pa ndjenja…njeri prej tyre i tha babait të tij, i cili e mori në krah dhe ma solli duke u dridhur. Mund të kishin të njëjtin fat me djalin tim edhe fëmijë të tjerë dhe do të vajtonim për shpirtin e pafajshëm të tyre. Do veproj në mënyrë ligjore.”, tha ai.

Mes lotëve ka folur edhe daja i 12-vjeçarit, i cili tha se e kishin rritur të voglin me shumë sakrifica.

“Nuk kam fjalë, iku një engjëll dhe e kemi rritur me shumë sakrifica vetëm ne i dimë gjërat që kemi kaluar për ta rritur dhe iku në këtë mënyrë…”, tha daja./Opinion.al

 

Pas