-U tha në Opinion

Avokatja: Akti i arrestimit të liderëve të UÇK, pasoja për lirinë me kusht


Bëhu pjesë e Grupit Zyrtar të Opinion.al
>> KËTU <<
               Publikuar në : 22:41 - 05/11/20 |
el ida

Avokatja Rudina Jasini, u shpreh gjatë një lidhjeje në emisionin “Opinion” se ndaj ish-presidentit të Kosovës  Hashim Thaçi dhe liderëve të UÇK, ka një aktakuzë të ngritur jo  vetëm për krime lufte, por edhe për krime kundër njerëzimit.

Duke ju referuar aktakuzës së publikuar mbrëmjen e së enjtes nga Gjykata Speciale, Jasini përmendi se mes akuzave të ngritura ndaj liderëve të UÇK përmendet: Persekutimi, burgimi si krim kundër njerëzimit, mbajtja në arrest arbirtar, vrasja dhe zhdukja si krime kundër njerëzimit.

Me përvojë në çështjet ndërkombëtare, njëkohësisht avokate mbrojtëse në çështjen e Ramush Haradinajt në Hagë, Jasini tha se procese të tilla zgjasin disa vite, ndërsa e cilësoi të gabuar që në fillim ngritjen e gjykatës special.

“Fatkeqësisht mendoj se kjo gjykatë nuk duhej të ishte ngritur që në fillim, por tashmë është një realitet”, tha Jasini.

Gjithashtu avokatja tha se do të jetë e vështirë për mbrojtjen që të arrijë lirinë me kusht, pasi në aktin e arrestimit, gjyqtari i cilëson liderët kosovarë si persona me rreizkshmëri për t’u arratisur.

“Në aktin e arrestimit, gjyqtari i cilëson si të rrrezikshëm që mund të arratisen. Kjo do të ketë pasoja për kërkesën, që mund të bëjë mbrojtja për lirinë me kusht”, tha Jasini./Opinion.al

 

Pas