Në KQZ ka nisur seanca për shqyrtimin e rezultatit të verifikimit të Prokurorit të Përgjithshëm, për subjektin vetëdeklarues Kreshnik Riza Hajdari, Kryetar i Bashkisë Kuçovë, Qarku Berat, i propozuar nga subjekti zgjedhor “Partia Socialiste e Shqipërisë.
Theodhori Sollaku, avokati i Kreshnik Hajdari në seancën e KQZ ku po shqyrtohet mandati i kryebashkiakut të Kuçovës tha se nuk ka asnjë shkak për t’i ndërprerë mandatin.
Gjatë fjalës së tij ai tha se Hajdari në Greqi është dënua për shkelje kufiri kur ishte i mitur dhe nuk hyn tek veprat e ndaluara.
“Nuk ka asnjë shkak për të justifikuar ndërprerjen mandatit ët kreshnikut, farë pretendohet nga personat që kanë iniciuar këtë procedurë rezulton që në vitin 99, ku Hajdari ishte në moshën 16 vjeç është kapur nga autoritetet greke për kalim të paligjshëm të kufirit. Është bërë një procedurë që nuk dihet nëse ka qenë penale apo administrative”, tha ai.
Drejtësia greke i ka përcjellë ministrisë sonë të Drejtësisë, një vendim që fakton se kryebashkiakut i Kuçovës, Kreshnik Hajdari është dënuar nga gjykata e Janinës, ndërkohë që në formularin e vetëdeklarimit ka thënë se nuk është i dënuar.
Gjykata në Janinë e ka gjetur fajtor Hajdarin për hyrje në territorin grek në mënyrë të paligjshme dhe e ka dënuar në 23 qershor të vitit 1999 me “masë riedukuese të qortimit”, pasi në atë vit, kryebashkiaku i zgjedhur ka qenë vetëm 17 vjeç./Opinion.al
