Bota

Autoritetet izolojnë një tjetër qytet në Kinë pas rasteve të reja


Bëhu pjesë e Grupit Zyrtar të Opinion.al
>> KËTU <<
               Publikuar në : 10:30 - 02/04/20 |
Al Do

Banorët e një qytet në krahinën qendrore Henan të Kinës janë ndaluar të lëvizin në rrugët e qytetit pas raportimit të rasteve të shtuara me koronavirus në zonë, raporton Reuters.

Autoritetet e qytetit Jia, i cili ka një popullsi prej 600 mijë banorë, thanë në një postim në rrjetet sociale se askush nuk mund të udhëtojë jashtë tij pa autorizimin e duhur. Për më tepër, banorët nuk lejohen të largohen nga shtëpitë e tyre për punë, përveç nëse kanë leje për ta bërë këtë.

Provinca Henan njoftoi një rast të konfirmuar në qytetin Luohe të shtunën. Autoritetet lokale thanë se personi i infektuar kishte qenë në kontakt me dy mjekë me qendër në qytetit Jia të cilët më vonë testuan pozitivisht për virusin edhe pse nuk kishin treguar simptoma.

Aktualisht frika më e madhe e studiuesve në Kinë është transmetimi i virusit nga personat asimptomatikë të cilët është e vështirë të evidentohen. Kjo ka bërë që autoritetet në Kinë të mos lirojnë menjëherë masat shtrënguese pasi vendi mund të përballet me një shpërthim të dytë të pandemisë. /Opinion.al

Pas