Kronikë

Atentati në Tiranë, zbardhet dëshmia e 2 të plagosurve


Bëhu pjesë e Grupit Zyrtar të Opinion.al
>> KËTU <<
               Publikuar në : 09:15 - 05/01/22 |
Opi Nion

Një ditë pas atentatit të ndodhur mbrëmjen e djeshme në Tiranë, ku një përson mbeti i vrarë dhe u plagosën katër të tjerë, është zbardhur dëshmia e dy prej të plagosurve.

Sipas Klan news përpara grupit hetimor, Azbi Selimaj 19 vjeç dhe Arben Dani 46 vjeç kanë thënë se nuk kanë mundur që të shikojnë asgjë dhe nuk i kanë vënë re atentatorët, vetëm kur janë gjendur nën breshërinë e plumbave.

19-vjeçari është qëlluar me armë aksidentalisht nga breshëria e kallashnikovit të autorëve, ndërsa 46-vjeçari kishte ardhur nga Durrësi dhe është mik i viktimës. Dy të plagosurit e tjerë janë vëllai dhe daja i 35-vjeçarit, Erion Çela që humbi jetën.

Të 4 të plagosurit ndodhen në Spitalin e Traumës për ndihmë mjekësore. Dëshmia e dy prej tyre nuk ka ndihmuar shumë grupin hetimor. As në vendin e ngjarjes nuk është gjetur asnjë gëzhojë, çka do të thotë se autori ka qëlluar nga brenda makinës duke mos lënë prova në vendngjarje.

Do të jenë kamerat e sigurisë që pritet të ndihmojnë grupin hetimor për të zbardhur dinamikën e vrasjes dhe itinerarin e lëvizjes së atentatorëve. Këta të fundit u larguan në drejtim të Laprakës me një makinë me targa të vjedhura.

Ngjarja e rëndë ndodhi rreth orës 16:15 të mbrëmjes së djeshme, në një lokal në “Don Bosko”. Autorët  kanë ardhur nga spitali i Traumës drejt lokalit me një makinë tip Mercedez Benz E-Class me targa AA 125 UK i zi, të cilat dyshohet se i janë vjedhur një Smart-i dhe kanë qëlluar nga makina në lëvizje me breshëri kallashnikovi në drejtim të tavolinës ku ishte ulur viktima dhe personat e tjerë dhe më pas janë larguar me shpejtësi nga vendi i ngjarjes./Opinion.al 

Pas