Kronikë

Atentati në Tiranë/ Sekuestrohen 100 kamera sigurie,kontrolle në varreza makinash


Bëhu pjesë e Grupit Zyrtar të Opinion.al
>> KËTU <<
               Publikuar në : 09:54 - 06/01/22 |
Opi Nion

Dy ditë pas atentatit që tronditio Tiranën në një lokal në “Don Bosko”, ku 35–vjeçari Erion Çela mbeti i vrarë dhe katër të tjerë u plagosën policia po vijon hetimet me qëllim identifikimin dhe kapjen e autorëve.

Mësohet se janë sekuestruar mbi 100 kamera sigurie nga zona ku ndoshi ngjarja e rëndë.

Sipas news 24 kamerat e sigurisë janë sekuestruar dhe po këqyren nga policia, me qëllim zbardhjen e itinerarit nga ka lëvizur makina e autorëve para dhe pas krimit, që tronditi kryeqytetin.

 Po ashtu autoritetet po kryejnë kontrolle edhe në serviset e varrezat e makinave, pasi ka dyshime që makina e krimit të jetë çuar për pjesë këmbimi.

Ndërkohë policia ka ushtruar kontroll në banesën e të plagosurit Edmond Crroj, që është daja i viktimës, si dhe i ka sekuestruar atij telefonat, për shkak të problemeve që ai ka pasur me drejtësinë në Itali.

Ngjarja e rëndë ndodhi rreth orës 16:15 të mbrëmjes së martës, në një lokal në “Don Bosko”. Autorët me një makinë tip Mercedez Benz E-Class me targa AA 125 UK i zi, të cilat dyshohet se i janë vjedhur një Smart-i kanë qëlluar nga makina në lëvizje me breshëri kallashnikovi në drejtim të tavolinës ku ishte ulur viktima, Erion Çela dhe personat e tjerë dhe më pas janë larguar me shpejtësi nga vendi i ngjarjes./Opinion.al 

Pas