Në një dalje për media, kryetari i Partisë Demokratike Sali Berisha vuri edhe një herë në dukje anëtarësimin e ministri Çuçi në një shoqatë të mjeteve të lundrimit, ndërsa tha se kjo shoqatë është e mbushur me trafikantë.
“Të dhënat tjera janë shumë tronditëse. Ministri i Brendshëm apo ministri i familjes, rezulton të jetë anëtar i një shoqate të mbushur me trafikantë dhe kontrabandistë, për të cilët media ka nxjerrë emra dhe fakte”, tha Berisha.
Referuar reagimit të Çuçit sot, Berisha tha se në statusin e tij të gjatë ministri nuk kishte asnjë fjalë ngushëlluese për humbjen e vogëlushes.
“Pas tre ditësh, Bledi Veltari, pasioni i tij paskan qenë velat në mënyrën më të papranueshme, shkon në verbërinë e tij dhe shpirtkazmërinë e tij, nuk gjen dy fjalë për të shprehur ngushëllim për familjen. Shikoni deri në çfarë shkalle arrin çnjerëzia e këtyre ministrave të degraduar.
Bën një status të gjatë, që e fillon e mbaron me Sali Berishën, dhe nuk gjen një hapësirë minimale për familjen që humbi fëmijën pikërisht për shkak të këtij soj ministri”, tha Berisha./Opinion.al
