Kim Kardashian së shpejti do të hedhë në treg bashkëpunimin e dytë me grimierin e famshëm me origjinë shqiptare, Mario Dedivanoviç.
Projekti i tyre mban titullin “The artist and Muse”, dhe do të përfshijë produkte kozmetike të veçanta. Kim ka bërë një dedikim në Instagram për Marion dhe në të tregon edhe detajet e projektit.
“Për 11 vite, unë dhe Mario kemi punuar së bashku, duke sjellë disa prej pamjeve më të bukura. E kam parë të rritet si një djalë i talentuar, në rrugën e tij, pa u nxituar, e gjithmonë duke vendosur punën dhe të tjerët para vetes. Ai e vlerëson punën, është tepër besnik dhe nuk ndjek trendet e të tjerëve dhe është kthyer në një frymëzim për artistë të tjerë kudo në botë. Jam shumë e emocionuar për bashkëpunimin tonë të dytë. Na ndiqni për të zbuluar projektin më të fundit të ‘KKW’ x MARIO: ‘The Artist And The Muse’ ”, shkruan ndër të tjera Kim në foton ku shfaqet së bashku me Marion.
Kujtojmë se Mario është grimieri i njohur i Kim Kardashian dhe shumë personazheve të famshme amerikane. Ai ka punuar me personalitetet më të njohura të showbizit, siç janë Jenniffer Lopez, Chanel Iman, Chrissy Teigen ndërsa puna e tij është publikuar në revistat me të famshme botërore, si prestigjiozja “Vogue”./ Opinion.al
