Kryesore

Arsimi i Lartë/Berisha: Ligji ndëshkoi të varfrit, opozita s’e kundërshtoi


Bëhu pjesë e Grupit Zyrtar të Opinion.al
>> KËTU <<
               Publikuar në : 17:42 - 27/04/22 |
Opi Nion

Pasditen e sotme ish-kryeministri Sali Berisha ka zhvilluar një bashkëbisedim me pedagogu me fokus Arsimin e Lartë.

Gjatë fjalës së tij, Berisha tha se Ligji për Arsimin e Lartë është sponsorizim mafioz i kryeministrit Edi Rama.

Po ashtu, Berisha nuk ka harruar dhe akuzat ndaj opozitës, duke thënë se nuk kundërshtoi ligjin që sipas tij, dënon familjet e varfra.

“Ne për dekada jemi përballur me përjashtimin e të rinjve nga e drejta universitare. Kjo bëri që Shqipëria të kishte përqindjen më të ulët në Europë për diplomimet në universitete. Një përpjekje e madhe u bë për shkëputjen nga kjo praktikë. Nga kjo përpjekje ishte e pamundur që të ecnim paralelisht edhe me cilësi. Por e vërteta është se në arsimin parauniversitar ngjitja e Shqipërisë ishte nga më vertikalet. U hapën një seri degësh e u pasuruan programet. Pas ndryshimit të pushtetit arsimi i lartë në Shqipëri u ndëshkua në mënyrën  më anti-kombëtare nëpërmjet të famshmit ligj dhe unë nuk mund ta lë pa folur hapur. Ligji i Arsimit të Lartë ishte një sponsorizim mafioz i Henri Cilit tek Edi Rama. I bëri vendit një dëm të pallogaritshëm duke korruptuar atë që i pranoi ligjin. Mjerisht opozita shqiptare për të njëjtin faktor nuk e kundërshtoi ligjin me forcë.  Ky ligj ndëshkonte të varfërit e vendit. Me këtë ligj u mora 2 vite me pasionin e një ish-pedagogu. Ligji u shndërrua në një shpatë për të përjashtuar mijëra dhe mijëra të rinj nga mundësia për t’u futur në universitete. Mesatarja e të gjithë Shqipërisë është nën mesataren e Tiranës”-tha Berisha./Opinion.al

Pas