Bota

Zbulohet telefonata disa sekondëshe. Çfarë i tha Le Pen- Macronit pas zgjedhjeve?


Bëhu pjesë e Grupit Zyrtar të Opinion.al
>> KËTU <<
               Publikuar në : 17:46 - 27/04/22 |
Opi Nion

Pasi e uroi Emmanuel Macron për rizgjedhjen e tij të dielën e kaluar, Marine Le Pen e paralajmëroi atë se zgjedhjet e ardhshme presidenciale, në 2027, “me shumë mundësi do të jenë koha e duhur për fitoren e saj”.

Sipas BFM TV, pak pas orës 20 – në selinë e Le Pen, në Pavillon d’Armenonville të Bois de Boulogne – të gjithë kuptuan nga përqindjet se ajo nuk kishte shpresë për fitoren.

Bashkëpunëtorët e saj më të ngushtë – tha Philippe Corbé, kreu i shërbimit politik të transmetuesit – kuptuan se Le Pen kishte humbur më shumë se sa pritej.  Ata shpresonin për 45%.

Në atë moment, sipas “traditës” republikane, kandidati i mundur i telefonon fituesit për t’i uruar fitoren dhe për të pranuar humbjen.  Por deputeti  i Rassemblement National, Sebastien Chenu konfirmon se Le Pen nuk e kishte numrin e telefonit të kreut të shtetit: “Askush prej nesh nuk e kishte”,-tha ai.

Më pas  Chenu thotë se është kontaktuar me bashkëpunëtorët më të afërt të Macron, si Richard Ferrand, Thierry Solère, Gabriel Attal, për të marrë numrin e telefonit.

“Në fund e patëm dhe Marine Le Pen izolohet në tarracë për të folur me Emmanuel Macron”, vijon ai. Ishte një telefonatë mjaft e shkurtër, pak pas orës 20:00. Përveç urimit të presidentit të rizgjedhur, Marine Le Pen bëri edhe një “shaka”, shton Chenu: “I tha që me këtë ritëm, pas 5 vitesh, e uron të mos kthehet, sepse me shumë mundësi do të jetë fitorja e saj”.

Nëse nuk do të ketë ndryshime në Kushtetutë në 5 vitet e ardhshme, që për momentin nuk ka gjasa, Macron nuk do të mund  të kandidojë në zgjedhjet e vitit 2027. Por, pasi të përfundojë mandati i dytë, asgjë nuk do ta pengonte Presidentin më të ri të Republikës të rikandidonte në 2032.

Pas