Aktualitet

ARRSH: Do mbyllim të gjitha hyrje-daljet e rrezikshme


Bëhu pjesë e Grupit Zyrtar të Opinion.al
>> KËTU <<
               Publikuar në : 12:30 - 22/11/21 |
Opi Nion

Autoriteti Rrugor Shqiptar ka njoftuar një aksion, për përmirësimin e sigurisë rrugore, se bashku me Policinë Rrugore dhe Inspektoratin Kombëtar të Mbrojtjes së Territorit.

Sipas njoftimit të dhënë këtë të hënë, duke filluar nga 27.11.2021 do të ndërmarrë një aksion për evidentimin dhe mbylljen përfundimtare të të gjitha hyrje-daljeve të rrezikshme, të cilat nuk plotësojnë kriteret sipas standardeve në rrjetin rrugor kombëtar.

Sipas ARRSH, aksioni konsiston në mbylljen me mbrojtëse anësore metalike dhe hapjen e kanaleve anësore të mbyllura në mënyrë të paligjshme nga ana e bizneseve në anë të rrugës.

Bizneset të cilat plotësojnë kriteret për të vijuar me ushtrimin e aktivitetit të tyre, por që nuk janë pajisur me autorizimin përkatës, duhet të përgatisin dokumentacionin sipas legjislacionit në fuqi dhe të aplikojnë tek e-albania, link: Kliko këtu për linkun

Çdo projekt që do të paraqitet për hyrje-dalje, duhet të jetë i shoqëruar me një Raport Auditimi të Sigurisë Rrugore të përgatitur nga auditues i certifikuar./Opinion.al

Pas