Bota

Arrestoi djalin e El Çapos, si u ekzekutua me 150 plumba polici


               Publikuar në : 10:39 - 08/11/19 |
el ida

Polici meksikan që mori pjesë në arrestimin e djalit të El Çapos, është qëlluar 150 herë në qytetin Kuliakan. 30-vjeçari, pjesëtar i forcave elitare i identifikuar vetëm me emrin Eduardo, u vra tek parkingu i një qendre tregtare.

Nga pamjet e publikuara duket se një makinë afrohet pranë tij dhe ekzekutuesit i rrethojnë mjetin duke gjuajtur plot 150 herë ndaj tij.

Mendohet se polici ishte pjesë kyçe e grupit policor që ndihmoi me arrestimin e Ovidio Guzman, djalit të El Çapos, muajin e shkuar.

Por policia u detyrua të lirojë shpejt Ovidion, pasi anëtarët e kartelit, të urdhëruar nga i vëllai, djali tjetër i El Çapos, u vërsulën menjëherë në një sulm masiv. Dhjetëra njerëz të armatosur sulmuan policinë dhe shkaktuan kaos nëpër rrugë. Autoritetet meksikane thanë se e liruan për të shmangur vdekje të tjera./Opinion.al

Pas