Aktualitet

Shpëtimi i Alvinit/ Presidenti i Kryqit të Kuq italian jep detaje


               Publikuar në : 10:56 - 08/11/19 |
Opi Nion

President i Kryqit të Kuq Italian, Francesco Rocca, në një konferencë për mediat ku ndodhet edhe ministri i Brendshëm shqiptar, Sandër Lleshaj, ka folur në lidhje me operacionin e shpëtimitë të Alvin Berishës nga kampi Al-Hol në Siri.

Rocca tha se në shpëtimin e Alvinit ka luajtur një rol thelbësor, Gjysmë Hëna Siriane dhe vullnetarët kurdë, që e nxorën fëmijën nga kampi.

President i Kryqit të Kuq Italian shpjegoi gjithashtu dhe detaje e koordinimit në këtë operacion të suksesshëm.

“Është krijuar rrjeti i domosdoshëm që gjithçka të shkonte mirë dhe arritëm këtë rezultat të jashtëzakonshëm. Kryqi i Kuq dhe Gjysmë Hëna u koordinuan në terren. Ne bëmë edhe konfirmimin që fëmija mund të ishte në kamp. Kur e mësuam zyrtarisht praninë e tij në kamp e nisëm operacionin. Pjesa më e vështirë ka qenë që nuk duhet të merrej nga drejtuesi vesh se fëmija po e linte kampin, pasi ka ende prezencë radikale”, tha ai.

Rocca tha më tej se edhe transferimi nga ‘Al Hol’ në aeroport ka qenë shumë i vështirë, pasi ndërlidhësit tanë ishin të frikësuar, edhe për shkak të garancisë që kishte për kalimin nga një zonë në tjetrën.

“Në Damask e kam pritur unë. Kishim një presion dhe tension të madh që ta nxirrnim shëndoshë e mirë djalin, por kurdët kanë prioritet tjetër tani, ata menaxhojnë një kamp me 70 mijë persona. Falë vullnetarëve kurdë u bë e mundur që Alvini të shpëtojë. Më bëri më shumë përshtypje, kur Alvini mbeti i habitur kur hymë në Damask, shikonte gjithmonë rreth e rrotull, pasi ishte mësuar në kamp. Ai reagonte në gjithçka që ishte e re për atë. Ka edhe tre fëmijë të tjerë jetim që ndodhen në kamp në moshën e Alvinit. Tani edhe fëmijë të tjerë mund të largohen nga kampi” tha ai./ Opinion.al

Pas