Faruk Ozer, shtetasi turk i shpallur në kërkim ndërkombëtar për mashtrim është arrestuar në vendin tonë. Mësohet se ai jetonte në Elbasan, por prangat i janë vënë duke pushuar në një nga plazhet në jug të vendit.
Faruk Fatih Özer ishte pronari i kriptomonedhës turke “Thodex”, ndërsa u arratis nga Turqia duke mashtruar dhjetëra mijëra turq, të cilët kishin investuar paratë e tyre, rreth 2 miliardë dollarë, në këtë monedhë virtuale turke.
Disa muaj më parë, për gjetjen e tij në vendin tonë kishin ardhur edhe oficerë të policisë turke pasi kishte dyshime që ai fshihej në Shqipëri pas arratisjes nga Turqia./Opinion.al
