Aktualitet

Arrestohen 3 persona në Korçë, mes tyre edhe një avokat


Bëhu pjesë e Grupit Zyrtar të Opinion.al
>> KËTU <<
               Publikuar në : 09:13 - 15/07/20 |
Al Do

Gjatë orëve të fundit, strukturat e Drejtorisë Vendore të Policisë Korçë kanë vënë në pranga, tre shtetas në kërkim për veprat penale “Vjedhja e kryer më shumë se një herë”, “Mashtrimi” dhe “Dhuna në familje”.

U ndalua një 21-vjeçar, i dënuar më parë për vjedhje, pasi dyshohet se është autor i 11 vjedhjeve, ngjarje të ndodhura dy muajt e fundit në qytetin e Maliqit dhe të Korçës, ku në banesa dhe dyqane të qytetarëve janë vjedhur sasi lekësh, pajisje elektroshtëpiake, artikuj ushqimore, veshje, si edhe një sasi nafte nga kaldaja e një shkolle në Maliq.

Policia arrestoi gjithashtu K. M., 41 vjeç, banues në fshatin Kallamas, Pustec, pasi gjykata e ka dënuar këtë shtetas me 4 muaj burg për veprën penale “Dhuna në familje”.

Është ndaluar edhe një avokat 37-vjeçar, banues në Pogradec. Ai u arrestua pas pasi Prokuroria kishte urdhëruar ndalimin e tij pasi dyshohet se i ka përvetësuar shtetasit A. X., nëpërmjet mashtrimit, një sasi prej 75000 lekë.

Materialet në ngarkim të tyre i kaluan Prokurorive të Rretheve Gjyqësore Korçë e Pogradec për veprime të mëtejshme./ Opinion.al

Pas