Kreu i Partisë Demokratike Lulzim Basha po flet lidhur me arrestimin e ish-ministrit të Mjedisit dhe aferën e inceneratorëve, i cili ishte denoncuar më parë nga PD.
Ndërsa është pyetur se pse nuk po reagon Rama për arrestimin e ish-ministrit të qeverisë së tij, Basha iu përgjigj po me pyetje; Paratë e kujt pastron ai?
“Që Partia Demokratike e ka nxjerrë dhe do e nxjerrë sërish në rrugë sërish nuk ka dyshim, por pyetja sot është se pse Rama i ka kaluar 17 vendime brenda ditës, pse e dërgoi grupin parlamentar te Iniciatori i Elbasanit ditën që PD-ja bëri kallëzim penal? Pse nuk mban asnjë qëndrim për ministrin e tij? Paratë e të cilit pastron ai? Pse ai është kapur në flagrancë me një person në kërkim? Por kjo s’është e lehtë për një gazetar se është e vështirë dhe për prokurorët dhe hetuesit.
Prokurorët dhe hetuesit që kanë arrestuar Lefter Kokën dhe pse në presion të mafias me në krye Edi Ramën duhet të vlerësohen për këtë fakt dhe do të jemi në mbështetje të tyre. Siç kemi bërë dhe të qartë kërkojmë një hetim me dinjitet për të gjithë faktet. Duhet guxim për arrestimin e Lefter Kokës dhe për thirrjen e Edi Ramës. PD dhe unë kemi qenë në ballë të betejës dhe sot më në fund SPAK është në lëvizje dhe unë kërkoj që të shkojë deri në fund, faktet janë publike”,-ka thënë ai.
