Kreu i grupit Parlamentar të PS, Taulant Balla, ka dhënë një deklaratë për mediat këtë të martë nga kryesia e Kuvendit.
Balla është pyetur nga gazetarët nëse ka PS një qëndrim për arrestimin e ish-kryebashkiakut të Vorës Agim Kajmakut, i cili u kap me me 20 kg kokainë në Itali.
Balla tha se sa herë ligji funksionon mbi këdo, PS përshëndet organet e drejtësisë dhe Policisë, ndërsa nënvizoi se Kajmaku prej kohësh nuk është më pjesë e Partisë Socialiste.
A ka qëndrim PS për arrestimin e Agim Kajmakut?
Taulant Balla: Sa herë ligji funksionon mbi këdo, PS përshëndet organet e drejtësisë dhe Policisë. Edhe në këtë rast jemi të qartë, ligji duhet të godasë këdo. Agim Kajmaku prej kohësh nuk është më pjesë e Partisë Socialiste.
