Aktualitet

Arrestimi i Bllakos/ SPAK sqaron çfarë ka ndodhur: Vendimi është ekzekutuar në…


Bëhu pjesë e Grupit Zyrtar të Opinion.al
>> KËTU <<
               Publikuar në : 10:49 - 01/04/22 |
Opi Nion

Prokuroria e Posaçme kundër krimit të Organizuar dhe Korrupsionit ka dhënë detaje për arrestimin e ish-deputetit të PS, Alqi Bllako.

Nëpërmjet një njoftimi SPAK ka sqaruar se: Me vendimin Nr.26, datë 31.03.2022, Gjykata e Shkallës së Parë për Korrupsionin dhe Krimin e Organizuar ka caktuar masën e sigurimit personal “arrest në burg”, për shtetasin Alqi Bllako.

Vendimi është vënë në dispozicion të Prokurorisë së Posaçme në orën 15:30 të datës 31.03.2022.

Në orën 15.45, të datës 31.03.2022, vendimi i gjykatës për caktimin e masës së sigurimit ndaj shtetasit Alqi Bllako i është dhënë për ekzekutim strukturave të Policisë së Shtetit.

Ndërsa vendimi është ekzekutuar nga Policia e Shtetit në orën 03.30 të datës 01.04.2022.

Më herët, në një njoftim për mediat, policia bëri me dije se Alqi Bllako ndodhej në Drejtorinë Vendore të Policisë Tiranë që prej mbrëmjes së djeshme.

Sipas policisë Alqi Bllako ishte vetëdorëzuar konform detyrimit ligjor për zbatimin e masës së sigurisë  “Arrest në burg”, lëshuar dje nga Gjykata e Posaçme e Shkallës së Parë për Korrupsionin dhe Krimin e Organizuar.

Ish-deputeti i PS Bllako akuzohet se është i përfshirë në aferën e Inceneratorit të Fierit. Ai dorëzoi mandatin në Kuvend për tu vënë në dispozicion të drejtësisë./Opinion.al

Njoftim- masa sigurimit personal – Bllako (1)

 

Pas