Aktualitet

Arrestimi i Albin Kurtit, çfarë do të ndodhë nesër në Prishtinë?


Bëhu pjesë e Grupit Zyrtar të Opinion.al
>> KËTU <<
               Publikuar në : 20:16 - 29/11/15 |
b.f

Tri drejtuesit kryesore të partive në opozitë në Kosovë u takuan këtë mbrëmje në Prishtinë, për  të biseduar mbi atë çka do të ndodhë nesër në Kosovë. Takimi i cili u mbajt në selinë e Aleancës për Ardhmërinë e Kosovës ka lënë në pritje për 2 orë gazetarët ndërkohë që treshja opozitare  nuk ka pranuar pyetje në përfundim të takimit.

Kreu i AAK-së, Ramush Haradinaj, ka thënë se ajo që ndodhi është një ngjarje jo e mirë. “Janë sulmuar zyrat e punës, selia e një partie opozitare, që është e paparë ndonjëherë. Demokracia më s’ka kuptim dhe mendimi ndryshe po shtypet me polici. Ngjarja e dytë vetëm sa na bindi se marrëveshjet kanë vdekur. Qeveria për hakmarrje goditi një parti”, ka thënë Haradinaj.

Kreu i Vetëvendosjes, Visar Ymeri, ka thënë se Marrëveshjet tashmë janë anuluar nga qytetarët. “Qeveria përkundër arsenalit nuk mund t’i ngjallin këto marrëveshje”, ka thënë Ymeri.

Kreu i Nismës, Fatmir Limaj, ka uruar qytetarët që me mbështetjen e tyre shpallën të vdekur dy marrëveshjet.

“Pushteti duke parë pjesëmarrje masive, dhe nga nervoza dhe tmerri përfundimisht ky pushtet e shfrenoi vetën, shtypi dhe burgosi opozitarët”, ka thënë Limaj.

KOMENTO (1)

Shkruaj nje koment

Pas