Gjykata e Durrësit ka refuzuar kërkesën e kandidates se Partisë Socialiste, Valbona Sako për të marrë mandatin e kryebashkiakes për qytetin bregdetar.
Gjykata ka dhënë argumentimin se procesi nuk është i ligjshëm, pasi Bindja Demokratike është regjistruar jashtë afatit zyrtar, duke i bërë këto zgjedhje nul.
Pasi analizoi çështjen në tërësi, gjykata arriti në përfundimin se kërkesa e Valbona Sakos për vërtetimin e mandatit të Kryetarit të Bashkisë Durrës duhet rrëzuar.
Ky është rasti i parë deri tani që gjykata nuk i jep mandatin një kandidati fitues në zgjedhjet e 30 qershorit, pasi deri tani një numër i konsiderueshëm kandidatesh kanë marre mandatin si kryebashkiak edhe nga Gjykatat përkatëse në rrethe.
Për shkak të regjistrimit të Bindjes Demokratike jashtë afateve ligjore për garën në Bashkinë e Durrësit, gjykata i konsideron te pavlefshme zgjedhjet e 30 qershorit në këtë bashki. Megjithatë kandidatja e PS, Valbona Sako ka te drejte ta apeloje këtë vendim.
Pak ditë më parë, Partia Demokratike i bëri thirrje gjyqtarëve, që të mos certifikojnë kryebashkiakët e Partisë Socialiste, pasi sipas tyre zgjedhjet e 30 qershorin ishin farsë, dhe se gara e vërtetë elektorale sipas opozitës, do të bëhet më 13 tetor, datë e dekretuar nga Presidenti Ilir Meta./ Opinion.al
