Ish-deputeti Ervin Salianji ka reaguar përmes një publikimi në Facebook, lidhur me vendimin e Komisionit të Vlerësimit në PD, për mos e futur emrin e tij në listat e përzgjedhura të kandidatëve.
LEXO EDHE – Kandidatët/ PD zbardh detajet, çfarë ka ndodhur me Salianjin dhe Shehun
Ai shprehet se misioni i tij është që demokratët të jenë fitues, ndërsa pohon se ka sakrifikuar në betejën opozitare.
Publikimi i plotë
Beteja e gjatë opozitare më ka shërbyer të kuptoj se cili person dua të jem në politikë.
Unë nuk kam përfituar dhe as jam konsumuar në pushtet.
Kam sakrifikuar e investuar fort në betejën opozitare .
Falë kësaj beteje mbështetja masive e demokratëve nuk më ka munguar në asnjë hap të rrugëtimit politik.
Në zgjedhjet e fundit me mirënjohje pohoj se isha më i vleresuari nga anëtarësia e Partisë Demokratike.
Po aq me mirënjohje përmend rezultatin më të mirë që ka marrë PD në zgjedhjet e fundit parlamentare në qarkun ku garova falë mbeshtetjes tuaj dhe të qytetar
Për këtë dhe vetëmbesimi dhe forca mbështetet tek ju, si vlerësuesit më të rëndësishēm e legjitim.
Për këtë misioni im është një dhe i vetëm, demokratët të jenë fitues.
Kujtojmë se më herët Partia Demokratike, përmes një deklarate të Sekretarit Gazmend Bardhi, publikoi emrat e kandiatëve të përzgjedhur nga lista e veçantë kombëtare dhe të atyre që aprovimi u ishte shtyrë./Opinion.al
