Rajoni

Ankesa për mungesë kushtesh bazë, COVID infekton qindra emigrantë në Greqi


Bëhu pjesë e Grupit Zyrtar të Opinion.al
>> KËTU <<
               Publikuar në : 16:44 - 21/09/20 |
Al Do

Rreth 12 mijë emigrantë u detyruan të largohen nga kampi Moria në ishullin Lesbos në Greqi, pas zjarrit të 8 shtatorit i cili dogji një pjesë të madhe të tij duke rrezikuar edhe jetë njerëzish.

Gjashtë të rinj afganë përballen me akuza për zjarrvënie, raporton AFP, ndërsa autoritetet ndërtuan me shpejtësi një kamp të ri të përkohshëm.

Zhvendosja dhe strehimi i emigrantëve në kampin e ri zgjati më shumë se një javë dhe në kushtet e pandemisë kjo ka sjellë edhe rritje të numrit të të infektuarve.

Sipas Agjencisë së Shëndetit Publik në Greqi, në kampin e ri janë testuar rreth 7 mijë persona nga të cilët më shumë se 240 kanë rezultuar pozitiv me COVID-19

Rritja e numri të të infektuarve ka bërë që situata të vështirësohet edhe më shumë në kamp pasi disa nga azilkërkuesit ankohen se në ambjentet e reja të përkohëshme nuk kanë kushte themelore për banim.

Ministri i Migracionit në Greqi, Notis Mitarachi tha se një kamp i ri “modern dhe i sigurt ” do të ndërtohet në Lesbos – edhe pse zyrtarët lokalë e kundërshtojnë me forcë këtë veprim, duke kërkuar largimin e menjëhershëm të shumicës së azilkërkuesve.

Gjatë viteve të fundit Greqia ka shërbyer si një portë hyrëse për në Bashkimin Evropian, për më shumë se një milion refugjatë sirianë dhe migrantë të tjerë.

Në territorin grek aktualisht janë rreth 30.000 migrantë./ Opinion.al

Pas