Kreu i PD-së, Lulzim Basha, mbrëmjen e sotme te “Studio e Hapur” në “News24” është pyetur në lidhje me drekën me ambasadorët dhe çfarë i kërkuan ata.
Drejtuesja e emisionit e ka pyetur Bashën, nëse në drekën e sotme, ambasadorët i kërkuan opozitës që të dalë nga çadra.
Kreu i opozitës, iu përgjigj se askush nga ambasadorët nuk ia kërkoi një gjë të tillë.
“Askush nga ambasadorët nuk ma kërkoi këtë. Madje më përgëzuan për protestën paqësore”, tha Basha.
I pyetur nga Arian Çani për takimin me ambasadorin rus, Karpushin, Basha tha se ishte ambasadori rus ai që kërkoi vizitë me Bashën për situatën politike dhe rajonin në vend.
Basha gjithashtu kontestoi emërimin e Fatmir Xhafajt në krye të Ministrisë së Brendshme. Ai tha se vëllai i tij është trafikant droge.
