Politikë

Alimadhi: Disa deputetë opozitarë kanë votuar në emër të kolegëve


Bëhu pjesë e Grupit Zyrtar të Opinion.al
>> KËTU <<
               Publikuar në : 10:32 - 30/07/20 |
Opi Nion

Sot pritet që Kuvendi të votojë ndryshimet kushtetuese për hapjen e listave dhe miratimin e formulës së re të koalicioneve. Gjë e cila është kundërshtuar nga opozita që i ka cilësuar këto ndryshime të njëanshme.

Ndërkohë, deputeti i opozitës parlamentare, Adriatik Alimadhi është shprehur nga foltorja e Kuvendit se disa deputetë opozitar kanë votuar në emër të kolegëve të tyre, në listat ku shpreheshin pro ndryshimeve kushtetuese.

 “Në mbledhjen e përbashkët të Këshillit Legjislativ, kam kërkuar që të shikohen firmat e deputetëve për ndryshimet kushtetuese. Këtë shqetësim juridik por të rëndësishëm e kam ngritur në mbledhjen e përbashkët. Do kërkoja që një nga listat ku kanë firmosur deputetët, të na vihej në dispozicion. Shqetësimi është shkelje ligjore. S’mund të mendoj se një deputet ka firmosur për disa apo në emër të disa deputetëve të tjerë. Kjo më duket shkelje proceduriale. E shoh të pamundur mënyrën se si operohet kur kushtetuta ka një gjithëpërfshirje në gjuhën e saj juridike dhe në rastin konkret kërkohet që 28 deputetët të opozitës parlamentare, kanë firmosur, por unë mendoj se këta deputetë, s’kanë ndërgjegjësim të saktë se për çfarë flitet më sakt për ndryshimet kushtuese. I bëj apel zotit Murrizi, se në 25 maj të vitit të kaluar kemi firmosur një dokument për ndryshimet zgjedhore, për një sistem të pastër kombëtar. Do doja që ta shihnit me realizëm, pasi kjo nisëm kushtetuese privon liritë dhe të drejtat”,- tha Alimadhi./ Opinion.al

Pas