Rajoni

Albin Kurti niset drejt Tiranës, ndalon në Prizren dhe jep një mesazh


Bëhu pjesë e Grupit Zyrtar të Opinion.al
>> KËTU <<
               Publikuar në : 09:30 - 10/06/21 |
Opi Nion

Kryeministri i Kosovës, Albin Kurti, është nisur sot për në Tiranë, ku do të marrë pjesë në samitin e liderëve të Ballkanit Perëndimor.

Gjatë rrugës, Kurti është ndaluar në Prizren dhe ka zhvilluar homazhe në përvjetorin e Lidhjes së Prizrenit, të 10 qershorit 1878, ku shqiptarët e të gjitha trevave u bënë bashkë për të t’i dalë në mbrojtje vendit të tyre kundër copëtimit të territorit.

Në një postim në Facebook, Kuti thekson se është përherë e qartë se cila është busulla historike e shqiptarëve, ajo që tregon udhën e mbarë.

“Jemi nisur herët në mëngjes për në Tiranë, ku do të takohemi me udhëheqësit e shteteve të rajonit. Por sot është data e kryengjarjes së kombit tonë, përvjetori i Lidhjes që u mblodh në 10 qershor 1878 në Prizren.

Ishte e domosdoshme të ndaleshim në Prizren për ta nderuar Lidhjen e veprimtarët e saj, gegë e toskë e të të gjitha bindjeve politike e feve, që vendosën të bëhen bashkë për mbrojtjen e njerëzve e trojeve të Atdheut.

Pas homazheve, vijuam rrugën për në Shqipëri, duke e patur përherë të qartë se cila është busulla jonë historike, ajo që na e tregon udhën e mbarë”, shkruan Kurti./Opinion.al

Pas