Rajoni

Albin Kurti: Në mars i kam shkruar Ramës, nuk mora përgjigje asnjëherë


Bëhu pjesë e Grupit Zyrtar të Opinion.al
>> KËTU <<
               Publikuar në : 20:46 - 28/04/20 |
Opi Nion

Përveç situatës së krijuar nga pandemia COVID-19, gjatë kësaj kohe Kosova ka pasur dhe një situatë të tensionuar politike.

Lidhur me zhvillimet politike në Kosovë, Tirana zyrtare nuk ka bërë asnjë reagim. Ndërkohë, kryeministri në detyrë, Albin Kurti i pyetur për këtë çështje tha se nuk mund komentonte para se Tirana të thyente heshtjen.

“Nuk kanë heshtur të gjithë. A nuk duhej të pyesni ata pse kanë heshtur? Thyeja njëherë atyre heshtjen dhe pastaj po flas për atë që ata thonë.  Le të flasin njëherë ata, jemi dy shtete të një kombi apo jo?”, deklaroi Kurti gjatë një interviste televizive.

Kurti ka thënë se i ka dërguar një letër kryeministri Edi Rama për mbajtjen e një takimi të përbashkët në kohën e pandemisë, por nuk kishte marrë kurrë ndonjë përgjigje.

Lideri i VV-së tha se për këtë takim i ka shkruar vetëm Rama dhe asnjë zyrtari tjetër madje për një takim të mundshëm kishte vënë në dijeni dhe Kryetaren e Kuvendit në Kosovë, Vjosa Osmani si dhe Presidentin Hashim Thaçi.

“Gjatë pandemisë ministritë e Shëndetësisë kanë komunikuar dhe kanë shkëmbyer përvoja dhe materiale. Diku nga mesi i muajit mars i kam shkruar kryeministrit Rama dhe i kam thënë që duke qenë se nuk po mund ta bëjmë dot takimin e dy qeverive, i kam thënë që të mbajmë një takim Rama-Meta-Ruçi dhe unë, Osmani dhe Thaçi. Për të diskutuar për pandeminë, por nuk mora përgjigje asnjëherë për këtë gjë”,-deklaroi Kurti./ Opinion.al

 

Pas