Rajoni

Akuzat për fshehje shifrash, Vuçiç pranon rishikimin e vdekjeve nga COVID


Bëhu pjesë e Grupit Zyrtar të Opinion.al
>> KËTU <<
               Publikuar në : 12:57 - 01/10/20 |
Al Do

Presidenti i Serbisë, Aleksandar Vuçiç, ka pranuar të bëjë një rishikim të plotë të të dhënave për numrin e vdekjeve nga sëmundja COVID-19, për të verifikuar nëse numri përkon me numrin nga sistemi.

Pas akuzave se autoritetet kanë fshehur impaktin e vërtetë të pandemisë, Vuçiç tha se shteti “nuk ka fshehur asgjë” dhe se është i bindur se nuk do të ketë dallime të mëdha midis numrave.

Epidemiologu dhe anëtari i Shtabit të Krizave të Qeverisë së Serbisë, Predrag Kon, ka thënë më 29 shtator se, sipas llogaritjeve të tij, në Beograd, deri në muajin qershor, kanë vdekur tri herë më shumë qytetarë nga COVID-19, seç është raportuar.

Një ditë më vonë, Kon ka fajësuar sistemin e informacionit, në të cilin anëtarët mjekësorë të Shtabit të Krizave janë mbështetur kur kanë komunikuar të dhënat.

Serbia ka raportuar 749 persona të vdekur nga koronavirusi nga rreth 33,500 raste pozitive. /Opinion.al

Pas