Edhe pse shënoi dy gola në ditën e tij të debutimit me Manchester United, Cristiano Ronaldo nuk ka mundur të shijojë si duhet triumfin e tij.
Një baner ku shkruhej “Besojini Kathryn Mayorga”, fluturoi përpara nisjes së ndeshjes mbi “Old Traford” në mbështetje të një gruaje që e akuzon portugezin për abuzim seksual.
Grupi i feministeve “Level Up”, që mori përgjegjësinë e kësaj ngjarjeje, shprehet se donte t’i rikujtonte edhe njëherë turmës së njerëzve në stadium akuzat për përdhunim ndaj futbollistit portugez.
Skandali ndaj Ronaldo shpërtheu kur Kathryn Mayorga e akuzoi se e kishte sulmuar në vitin 2009 në një hotel në Las Vegas. Vetë portugezi i ka mohuar këto akuza duke thënë se nuk janë të vërteta./Opinion.al
KOMENTO (0)
