Politikë

Akuzat e Veliajt/ Kryemadhi: Fustanet e gruas thotë se ia ka bërë gjyshja


Bëhu pjesë e Grupit Zyrtar të Opinion.al
>> KËTU <<
               Publikuar në : 10:54 - 27/10/20 |
Al Do

Vijojnë përplasjet në distancë midis kreut të Bashkisë së Tiranës, Erion Veliaj dhe kryetares së LSI, Monika Kryemadhi.

Kjo e fundit u pyet sot në një konferencë për mediat lidhur me akuzat e ngritura ndaj sajë nga kreu i Bashkisë së Tiranës, për vilën e saj në Gjirin e Lalzit.

Kryemadhi tha se vilën ajo e ka deklaruar publikisht ndërsa sfidoi kryebashkiakun të deklarojë pronat e tij duke përmendur edhe fustane të firmave luksoze të gruas së tij. Ndër të tjera, Kryemadhi akuzoi Veliajn se për çdo leje ndërtimi, biznesmenët duhet t’i paguajnë Bashkisë 8% të shitjes për metër katror.

 “Monika Kryemadhi e ka deklaruar vilën e Lalzit. E dinë gjithë shqiptaret madje vijnë bëjnë dhe foto në oborrin e Monikës dhe ndonjë nuse me dhëndër vijnë bëjnë fotot e dasmës. Po lali Eri i ka deklaruar pronat e veta. Se në fustanet e gruas së vet Dolce&Gabbana ne del dhe thotë i ka bërë gjyshja e vet. Ajo që dua të theksoj është që Lali Eri do ta deklarojë atë deklaratën e banorëve të kombinatit dhe pallateve populite? Do tu japë kontratën njerëzve që humbasin shtëpitë nga shembja e pallateve? Do tu japi një kontratë që këta njerëz do të marrin shtëpitë e tyre. Mendoj se sot më shumë e kushdo tjetër diferenca mes LSI dhe rilindjes është e madhe. Mjafton të pyesni ndërtuesit të cilët për të marrë një leje ndërtimi në Bashkinë e Tiranës duhet të paguajnë 8%, jo të kostos së ndërtimit por të shitjes për metër katror dhe të paguajnë 3% tjetër që e merr Bashkia për banesa sociale por që nuk bëhen banesa sociale dhe duke vazhduar më pasaj për të mos folur për ato gropat e plehrave që i kanë ndërtuar në Shqipëri që cdo ndërtues për të hapur një gropë duhet të paguajë mijëra euro për dheun që heq nga gropa e ndërtimit, një kompanie fantazëm e bërë nga disa që kanë lidhje të drejtpërdrejtë me lali Erin ose disa afër lali Erit. Dhe për të marrë dheun mbrapsht për të mbushur gropën për të bërë lulishtet e pallatit rreth e qark duhet të shkojnë ta blejnë përsëri dheun e tyre.”, deklaroi Kryemadhi.

Kryetarja e LSI dhe krybashkiaku i Tiranës u përplasën edhe mbrëmjen e djeshme në emisionin “Opinion”. Kryetarja e LSI Monika Kryemadhi tha se sipas informacioneve që ajo posdeonte, oborri i shkollës “Sami Frashëri” do t’ju kthehej pronarëve dhe do të ndrëtohej pallat, ndërkohë që gjimnazi i njohur do të spostohej në Paskuqan. Por, përmes një mesazhi dërguar tek drejtuesi i emisionit, ka reaguar Kryetari i Bashkisë së Tiranës Erion Veliaj. Ai tha se kjo ishte një gënjeshtër spektakolare dhe se gjimnazi do të ndërtohet aty ku ishte. /Opinion.al

Pas