Kronikë

Aksion në Vlorë dhe Sarandë, arrestohen pesë persona


               Publikuar në : 14:04 - 14/07/19 |
Opi Nion

Pesë persona janë arrestuar gjatë 24 orëve të fundit nga policia e  Vlorës dhe e Sarandës.

Të arrestuarit akuzohen për vepra të ndryshme penale. Ndërsa, një prej tyre, 34-vjeçari G.S. ishte i shpallur në kërkim për akuzën e trafikimit të lëndëve narkotike.

Po ashtu, në vitin 2017, Gjykata e Apelit për Krimet e Rënda ka dhënë për 34-vjeçarin masën e sigurisë “Arrest në burg”.

Njoftimi i policisë

Vijon puna për kapjen dhe arrestimin e personave  të cilët kryejnë veprimtari të paligjshme. Gjatë 24 orëve të fundit Policia e Vlorës ka arrestuar 5 persona, njëri prej tyre në kërkim.

Vlorë, ndalohet shtetasi në kërkim G. S., 34 vjeç, banues në Vlorë. Ndalimi i tij u bë pasi Gjykata e Apelit pët Krimet e Rënda Tiranë, në vitin 2017, i ka vendosur masën e sigurisë “Arrest në burg” për veprën penale “Trafikimi i lëndëve narkotike” kryer në bashkëpunim e mbetur në tentativë.

Vlorë, arrestohet në flagrancë shtetasi H. B., 56  vjeç, banues në fshatin Peshkëpi, Selenicë. Arrestimi i tij u bë pasi pranë banesës së tij policia ka konstatuar të kultivuara disa bimë narkotike të dyshuara si cannabis sattiva. Vlorë, arrestohet në flagrancë shtetasi A. D., 30 vjeç, banues në fshatin Xhyerinë, Vlorë. Arrestimi i tij u bë pasi ky shtetas është kapur duke vjedhur një dyqan kozmetik në lagjen “Isa Boletini”.

Vlorë, arrestohet në flagrancë shtetasi E. Z., 50  vjeç, banues në Tiranë. Arrestimi i tij u bë pasi u kap në flagrancë në lagjen “11 Janari” duke drejtuar automjetin Mercedes Benz, në gjendje të dehur.

Sarandë, arrestohet në flagrancë shtetasi M. A., 32 vjeç, banues në fshatin Berdenesh, Sarandë. Arrestimi i tij u bë pasi ky shtetas duke udhëtuar me motomjetin Dayang pa leje drejtimi përkatës, ka humbur kontrollin e mjetit në aksin rrugorë Ura e Çukës – Ksamil dhe si pasojë është aksidentuar duke u dëmtuar vetë lehtë. Materialet janë referuar në Prokurori për veprime të mëtejshme proçeduriale./ Opinion.al E.Xh.

Pas