Një 60-vjeçar ka ndërruar jetën ditën e sotme në aksin rrugor Kotë-Vlorë në vendin e quajtur “Shkalla Mavrovë” si pasojë e një aksidenti.
Policia ka bërë të ditur se automjeti tip Mitsubishi në drejtimin e 55-vjeçarit me iniciale Ç.S me banim në Orikum, ka dalë nga rruga dhe për pasojë ka dëmtuar rëndë 60-vjeçarin Z.L banues në fshatin Kotë.
Ndonëse është transportuar me urgjencë në spital 60-vjeçari nuk ka mundur t’i shpëtojë plagëve të marrë dhe ka ndërruar jetë në spital.
Policia ka shoqëruar në Komisariatin e Vlorës 55-vjeçarin drejtues të mjetit.
Informacion paraprak
Rreth orës 14:45, në aksin rrugorë Kotë-Vlorë, pranë vendit të quajtur “Shkalla Mavrovë” automjeti tip Mitsubishi, me drejtues shtetasin Ç.S., 55 vjeç, banues në Orikum, ka dalë nga rruga dhe si pasojë është dëmtuar rëndë shtetasi Z.L., 60 vjeç, banues në fshatin Kotë, Vlorë.
60 vjeçari është transportuar në gjendje të rëndë në Spitalin Rajonal të Vlorës por ka ndërruar jetë në spital.
Policia ka shoqëruar në Komisariatin e Vlorës drejtuesin e mjetit për kryerjen e veprimeve të mëtejshme në lidhje me arrestimin e tij.
Grupi hetimor po punon për sqarimin e rrethanave të ngjarjes./Opinion.al/
