Një 37-vjeçar ka humbur jetën gjatë një aksidenti të ndodhur mbrëmjen e sotme në në aksin rrugor Levan-Tepelenë, në fshatin Ziaj.
Policia bën me dije se një automjet tip “Benz” është përplasur me automjetin tip “BMW” me drejtues shtetasin F. L., 34 vjeç, banues në Çorrush, Mallakastër.
Si pasojë e përplasjes së fortë ka humbur jetën drejtuesi i “Benz” I.R., 37 vjeç, banues në Fratar. Ndërkohë, drejtuesi i “BMW” ka mbetur i plagosur dhe ndodhet në spital nën kujdesin e mjekëve.
Ndërkohë, grupi hetimor po punon për zbardhjen e shkaqeve të aksidentit./ Opinion.al
