Në seancën plenare të kësaj të enjteje zv.kryeministri, Arben Ahmetaj, iu drejtua opozitës duke i thënë: Pse e katandisët veten kështu.
Lidhur me deklaratat e Berishës për “Open Balkan” Ahmetaj the se ajo që Lavrov tha është cinizëm politik dhe provokim për të dëmtuar “Open Balkan”.
“Kësaj pjesës këtu përpara të PD-së, pse e katandisët veten kështu mor burrë, pse e katandisët veten kështu. Ky që foli përpara këtu po të numëroni ata që janë vrarë direkt dhe indirekt nga ky bëhen më shumë se vdekjet nga pandemia. Ju vjen keq kur ju them pse katandiseni kështu. Vjen diskuton këtu për vdekjen, pastaj flet për Open Balkan. Ajo që Lavrov tha është cinizëm politik dhe provokim për të dëmtuar Open Balkan. Qeshni sa të doni, kush nuk e di thelbin se ça është Open Balkan, nuk e di. Po t’i merrni historikisht veprimet e këtij njeriu përpara kanë qenë kundër. Fjalët janë të tjera, veprat janë të tjerat. Open Balkan është gjëja më e mirë që i ndodh Balkanit. Është teori ekonomike dhe politike. Ditën që kufijtë hapen për të 4 liritë janë qytetarët që përfitojnë”, deklaroi Ahmetaj.
