Më shumë se 80 studentë dhe mësues afganë, shumica prej tyre vajza, u helmuan dhe u shtruan në spital në dy sulme në shkollat fillore në veri të Afganistanit, thanë zyrtarët lokalë.
Sipas mediave të huaja, autori që organizoi helmimin kishte një inat personal, por nuk dha detaje. Sulmet ndodhën në provincën Sar-e-Pul të shtunën dhe të dielën.
Sipas rrëfimeve të dëshmitarëve, studentët dhe mësuesit ranë menjëherë pa ndjenja pasi hynë në klasat e tyre, duke sugjeruar se mund të ishte përdorur gaz, tha një plak i fshatit i cili foli në kushte anonimiteti për shkak të ndjeshmërisë së temës.
Ayamuddin Yoldash, një oficer informacioni në Drejtorinë e Informacionit dhe Kulturës në provincën Sar-e Pol, në veri të Afganistanit, tha se 18 djem ishin në mesin e atyre që u lënduan në dy incidentet të shtunën dhe të dielën.
Helmimet e dyshuara në shkollat e vajzave iraniane kanë lënë dhjetëra të shtruar në spital. Të gjithë nxënësit dhe mësuesit ishin në gjendje stabile deri të hënën në mëngjes, tha një zyrtar.
Autoritetet nuk dhanë detaje mbi motivin e dyshuar pas incidentit, duke shtuar se një hetim është duke u zhvilluar. Klasat e përziera nuk janë të pazakonta në Afganistanin rural deri në fund të shkollës fillore dhe ato kanë vazhduar nën qeverinë e drejtuar nga talibanët, e cila i ka ndaluar gratë nga universitetet dhe ka mbyllur shkollat për vajzat duke filluar nga klasa e shtatë.
Në Iranin fqinj, janë numëruar 300 sulme të dyshuara me gaz në më shumë se 100 shkolla për vajza deri në fund të prillit, duke shkaktuar ankth dhe zhgënjim mes nxënësve dhe prindërve, disa prej të cilëve thanë se mund të ndalonin së dërguari fëmijët e tyre në shkollë.
Në Afganistan, arsimimi i vajzave është bërë një nga çështjet më përçarëse gjatë 20 muajve të fundit që kur talebanët morën pushtetin. Ndërsa qeveria e drejtuar nga talebanët ka thënë vazhdimisht se ndalimet e saj janë të përkohshme, ajo nuk ka dhënë asnjë afat kohor për rihapjen e shkollave dhe universiteteve./Opinion.al
