Arrestimi i zyrtarëve dhe politikanëve të korruptuar mesa duket do të bëhet realitet më shpejt se ç’pritet.
Amerikanët duket se e kanë marrë seriozisht këtë çështje, teksa këto kohë reformash të shoqëruara me frikë dhe tension mes palëve politike, kanë thërritur në SHBA-në e largët krerët e politikës e së fundmi dhe kryeprokurorin e Përgjithshëm.
Kryeprokurori Adriatik Llalla ka udhëtuar dje drejt Shteteve të Bashkuara të Amerikës ku do të zhvillojë takime me drejtuesit e Byrosë Federale të Hetimit, ndërsa në fokusin e takimeve do të jenë lufta kundër terrorizmit, financimi i tij, byroja e hetimit, SPAK-u dhe krimi i organizuar.
