-Shëndeti

A është koronavirusi pandemi, çfarë deklaron OBSH-ja


               Publikuar në : 14:32 - 04/02/20 |
el ida

Organizata Botërore e Shëndetësisë (OBSH) deklaroi se përhapja vdekjeprurëse e koronavirusit që është shfaqur fillimisht në Kinë, nuk përbën ende pandemi (përhapja e një sëmundjeje të re në nivel global).

Sylvie Briand, drejtuese e Përgatitjeve ndaj Rrezikut Infektiv, pranë OBSH-së, tha se është e rëndësishme të trajtohen thashethemet e pabazuara rreth virusit.

Ndërkaq numri i viktimave nga koronavirusi ka arritur tashmë në 425, ndërsa mbi 20,000 raste të prekura janë konfirmuar në 26 vende të botës.

Kujtojmë se më 30 Janar, OBSH e shpalli koronavirusin emergjencë globale.

“Arsyeja kryesore nuk është ajo që po ndodh në Kinë por ajo që po ndodh në vendet e tjera,” tha shefi i OBSH-së Tedros Adhanom Ghebreyesus, duke bërë njoftimin në një konferencë për shtyp në Gjenevë.

Shqetësimi më i madh sipas Organizatës Botërore të Shëndetit ishte fakti se virusi mund të përhapet në vendet me sisteme të dobëta shëndetësore./Opinion.al

Pas