Aktualitet

A do t’i bashkohet Berishës? Duma: PD duhet të ecë përpara, jo të shkojë mbrapa


Bëhu pjesë e Grupit Zyrtar të Opinion.al
>> KËTU <<
               Publikuar në : 11:59 - 10/03/22 |
Opi Nion

Grida Duma, një ditë pas dorëheqjes nga posti i nënkryetares së PD, i është përgjigjur negativisht ftesës së ish-kryeministrit Sali Berisha, i cili iu drejtua deputetëve demokratë që kanë kërkuar qdorëheqjen e Bashës që t’i bashkohen Komisionit të Rithemelimit.

E pyetur nga gazetarët Duma u shpreh: “Unë kam thënë që PD duhet të ecë përpara dhe jo të shkojë mbrapa”.

Pyetje: Ftesës së zotit Berisha për t’iu bashkuar Komisionit të Rithemelimit do t’i përgjigjeshit pozitivisht?

Grida Duma: Unë kam thënë që PD duhet të ecë përpara dhe jo të shkojë mbrapa.

Pyetje: Kur e kuptuat që zoti Basha ishte dështim?

Grida Duma: Nuk është çështja kur e kuptova, besoj edhe juve si kushdo që ka pak logjikë i jep mundësinë që ngjarjet të zhvillohen në kahun e duhur. Besoj që të gjitha vendimet që kemi marrë në momentin që duam ta çojmë PD drejt suksesit, drejt perëndimit, drejt forcës së qeni fituese i janë dhënë këto mundësi. Tani duhet të lexojmë që njerëzit nuk e kanë me vendimet, por me individët. Nëse nuk besojnë, nëse nuk kanë kredibilitet tek individët atëherë duhen dëgjuar dhe duhet dhënë fytyra kredibël dhe e besueshëm./Opinion.al

Pas