Paraditja e ditës sotme do të jetë me kthjellime dhe vranësira kalimtare në Veri dhe zonat Qendrore por vranësira të shpeshta dhe shira të izoluar do të ketë në Jug dhe zonat Lindore. Pjesa e dytë e ditës mbetet me kthjellime dhe vranësira kalimtare në Ultësirën Perëndimore ndërsa shtohen vranësirat në zonat malore duke rrezikuar shira të dobët dhe të izoluar.
Temperaturat e ajrit mbeten thuajse konstante në mëngjes dhe mesditë duke luhatur ekstremumet termike nga 6 në 28°C.
Era do fryjë mesatare deri e fortë gjatë paradites, me shpejtësi 50 km/h nga drejtimi Verilindor ndërsa në det vijon dallgëzim deri 3 ballë.
E premte, 5 tetor 2018
Sipas MeteoAlb: Kthjellime dhe vranësira të lehta dominojnë bregdetin ndërsa vranësira më të shpeshta do të ketë në ekstremet Veri – Jug dhe kufirin Juglindor të Shqipërisë. Pasditja sjell shtim të vranësirave në zonat malore ndërsa vonë në mbrëmje dhe gjatë natës priten vranësira në vijën bregdetare duke rrezikuar shira të dobët.
Temperaturat e ajrit mbeten thuajse konstante gjatë mëngjesit por rritje të lehtë sjell mesidta duke ngjitur maksimumin lehtësisht mbi 28°C.
Era do fryjë e lehtë deri mesatare, me shpejtësi 35 km/h nga drejtimi Juglindor – Lindor duke gjeneruar në det dallgëzim MBI 2 ballë.
