-Teknologji

A do jenë robotët pjesë e jetës së përditshme pas Covid-19


Bëhu pjesë e Grupit Zyrtar të Opinion.al
>> KËTU <<
               Publikuar në : 14:28 - 17/04/20 |
Al Do

Tregu i robotikës në Kinë parashikohet të fitojë 103.6 miliardë dollarë deri në vitin 2023. Kur tërmeti dhe tsunami dëmtuan reaktorët bërthamorë në Fukushima, në Japoni në vitin 2011, prodhuesit e robotikës së vendit u thirrën të zhvillojnë njësi speciale që mund të hynin në mjedisin shumë toksik dhe të pastronin. U deshën gjashtë vjet para se robotët të ishin në gjendje te lëviznin dhe hiqnin materialet radioaktive, pas një seri dështimesh ku ata pësonin keqfunksionime në qark, nga rrezatimi i tepërt. Pak më shumë se një vit më parë, robotët e kontrolluar nga distanca, të prodhuar nga Toshiba u dërguan në centralin bërthamor, për të hequr mbetjet e kontaminuara.

Cili ishte mesazhi [nga Fukushima]?

Teknologjia nuk ishte ende e avancuar, “tha Li Tong, shefi ekzekutiv i Keenon Robotics, me bazë në Shanghai, i cili në fillim të këtij viti vendosi robotët e kompanisë në spitale që trajtojnë pacientët me koronavirus.

Kompania vendosi gati 200 robotë në më shumë se 80 spitale në të gjithë Kinën, kur shpërthimi i koronavirusit ishte duke mbingarkuar sistemin e kujdesit shëndetësor të vendit.

“Këtë herë, robotët janë në frontin e parë për të ndihmuar mjekët të merren me disa probleme praktike,”-  vazhdoi ai. Kompanitë kineze të robotikës kanë parë një rritje të kërkesës për produktet e tyre që nga shpërthimi, duke i vendosur ato në spitale dhe zona të tjera publike, për të ofruar ushqim dhe ilaçe, për dezinfektimin e hapësirave publike, për të matur temperaturën e trupit dhe për të ndihmuar në diagnostikimin e pacientëve përmes pyetësorëve të siguruar nga mjekët.Kërkesa për robotë është 30 %-40 % më i lartë se parashikimi i bërë nga disa kompani kineze.

Gaussian Robotics është shprehur se robotët kanë rritur interesin e vendeve, ku pandemia është përkeqësuar në javët e fundit. Izraeli, Koreja, Tajlanda dhe gjithashtu disa vende në Evropë dhe në Mbretërinë e Bashkuar, më parë ishin në mëdyshje [për blerjen e robotëve] por tani kanë vendosur të bëjnë porosi për shkak të krizës së shëndetit publik. Në shkurt Presidenti kinez, Xi Jinping tha se industritë e produkteve teknologjike- robotike dhe makineritë pa pilot kanë treguar një potencial të fortë rritjeje.

Robotika është një nga 10 industritë thelbësore të identifikuara në projektin e Pekinit, Made in China 2025, që synon të krijojë kompani konkurruese në tregun global. Kërkesa për robotë pritet të mbetet e lartë gjatë kësaj periudhe pasi koronavirusi ka mbingarkuar  kujdesin shëndetësor dhe sektorin publik në të gjithë botën. Sidoqoftë, analistët thonë se do të duhen edhe disa vite të tjera, ndoshta edhe një dekadë, përpara se robotët të bëhen të zakonshëm në objektet mjekësore. Ndërkohë, dy faktorë kufizues në prodhimin e robotëvë, është ndërprerja e zinxhirit të furnizimit dhe mbyllja e kompanive, të shkaktuar nga pandemia. /Opinion.al

Pas