Kryesore

A do e rikandidojë Rama-Dakon në Durrës? Hije dyshimi, çfarë thotë Balla


               Publikuar në : 19:16 - 09/02/19 |
b.f

Taulant Balla, Sekretar i Përgjithshëm i Partisë Socialiste, ka folur në emisionin “Kjo javë” të gazetares Nisida Tufa, në Neës 24 edhe për zgjedhjet lokale të 30 qershorit, si edhe dyshimet që rrethojnë disa prej kryetarëve aktualë bashkiakë, të cilët përfliten se nuk do të rikandidohen.

Një prej këtyre emrave të përfolur është edhe kryebashkiaku i Durrësit, Vangjush Dako, i përmendur edhe në përgjimet e dosjes 339, ku zyrtarë të lartë socialistë janë kapur duke bashkëpunuar me grupe kriminale me qëllim vjedhjen e zgjedhjeve të qershorit 2017.

Balla ka lënë të kuptohet se nuk ka ende një vendim për Dakon, ndërsa PS ka një mendim që tani për kryetarin aktual të Bashkidsë Korçë, Sotiraq Filo.

“Ne kemi nisur një proces vlerësimi prej prillit të vitit të kaluar të kryetarëve në 35 bashki ku PS qeveris. Nga gjithë ky proces analize jemi në një fazë ku kemi vlerësuar se cilët janë ata që mund të marrin një mandat tjetër. Unë ndaj mendimin se Sotiraq Filo në Korçë ka bërë një punë të mirë. Dako është prej vitit 2007 në krye të bashkisë së Durrësit dhe ky qytet ka njohur një transformim të thellë, por në momentin e duhur do të jetë vetë Dako dhe struktura e PS-së Durrës dhe PS që do vendosë. Edhe nëse nuk do ishte në krye të bashkisë, kjo nuk e pengon që ai të vazhdojë aktivitetin e tij në mbështetje të zhvillimit të Durrësit. Sa i përket bashkisë së Elbasanit, është e sigurt që do vazhdojë ta drejtojë PS”, tha Balla.

Pas