Deputeti i PD Gazment Bardhi ka reaguar pas zgjedhjes në krye të SPAK të Altin Dumanit.
Bardhi shkruan në rrjetet sociale se kreu i ri i SPAK duhet të mbështetet , por duhet të qëndrojë jashtë kontrollit të ndikimeve politike.
“Për shkak të garancisë së SHBA, ligji për strukturën e SPAK-ut është i vetmi nga paketa e Reformës në Drejtësi, i miratuar me konsensus PS-PD. Edhe pse ende SPAK-u nuk është në lartësinë e pritshmërisë së shqiptarëve për t’i dhëne fund pandëshkueshmërisë në nivele të larta të qeverisjes, ai duhet të mbështet të ecë përpara dhe të qëndrojë jashtë kontrollit të politikës. Lufta reale pa kompromis kundër korrupsionit dhe krimit të organizuar mbetet e vetmja shpresë që vendi të ecë përpara dhe shqiptarët të jetojnë si europianë të vërtetë”, shkruan Bardhi në Twitter.
