Prokuroria e Posaçme kundër Krimit të Organizuar dhe Korrupsionit ka përfunduar hetimet për Inceneratorin e Elbasanit.
Mësohet se SPAK po iu komunikon akuzat të pandehurve, konkretisht avokatëve të ish-ministrit të Mjedisit, Lefter Koka dhe Klodian Zotos dhe më pas ata kanë 10 ditë kohë për të paraqitur pretendimet e tyre. Pas kësaj pritet që dosja të dorëzohet në Gjykatën e Posaçme.
Lefter Koka, ish-ministër i Mjedisit është vënë në pranga në dhjetor të vitit të kaluar për dosjen e inceneratorit në Elbasanit.
Mbi Kokën janë 2 masa me ‘arrest me burg’, për inceneratorin e Elbasanit dhe atë të Fierit. Lidhur me inceneratorin e Elbasanit, Koka akuzohet se ka marrë ryshfet 3.7 milionë euro për ndërtimin e tij.
Hetimet për inceneratorin e Elbasanit janë të parat që përfundojnë nga SPAK, në proces hetimi është inceneratorini Fierit dhe ai i Tiranës.
