Aktualitet

Meta zbardh takimin me Misionin e OSBE/OHDIR: Krimi mos të përfshihet në zgjedhje



Bëhu pjesë e Grupit Zyrtar të Opinion.al
>> KËTU <<
               Publikuar në : 12:23 - 10/11/22 |
Opi Nion

Kreu i Partisë së Lirisë, Ilir Meta njoftoi se ka pritur në takim Misionin e Vlerësimit të Nevojave nga OSBE/OHDIR-i, ku në fokus të bisedimeve kanë qenë zgjedhjet vendore të 14 majit 2023.

Përmes një postimi në rrjtetin social “Facebook”, Meta zbardhi detaje nga takimi me ta, ku shprehet se u ka theksuar përfaqësuesve të OHDIR nevojën alarmante për të forcuar zbatimin e ligjit për një klimë zgjedhore të qetë, pa ndikimin e krimit dhe administratës publike në zgjedhje, në mënyrë që sipas tij që të ketë një pjesmarrje sa më të lartë dhe rezultat të gjithëpranuar.

“Prita në një takim me kërkesën e tyre Misionin e Vlerësimit të Nevojave nga OSBE/ODIHR-i, në lidhje me zgjedhjet vendore të 14 Majit 2023.

Partia e Lirisë ka kërkuar me ngulm, që Komisioni Parlamentar për Reformën Zgjedhore të adresojë me prioritet rekomandimet e OSBE/ODIHR për të përmirësuar të gjitha problemet madhore që u panë në zgjedhjet e 25 Prillit, ndaj ne e dënojmë zvarritjen e qëllimshme që mazhoranca i bën punës së Komisionit dhe të trajtimit të problemeve periferike që nuk i japin përgjigje problemeve kritike të zgjedhjeve, duke goditur besimin e qytetarëve tek standardet e zgjedhjeve.

U ritheksova përfaqësuesve të ODIHR nevojën alarmante për të forcuar zbatimin e ligjit për një klimë zgjedhore të qetë, pa ndikimin e krimit dhe administratës publike në zgjedhje, në mënyrë që të kemi një pjesmarrje sa më të lartë dhe rezultat të gjithëpranuar.

Partia e Lirisë mbetet në çdo kohë e angazhuar për dialog politik dhe ekspertizë teknike të nivelit të lartë, në mënyrë që qytetarëve t’u ofrohen standartet më të larta të zgjedhjeve dhe çdo shqiptar të votojë i lirë, siç i takon një populli europian”, shkroi Meta./Opinion.al

Pas