Kreu i PD, Sali Berisha është pyetur lidhur me shpalljen e tij non grata dhe kush fshihet pas këtij vendimi.
I pyetur nga gazetarët, nëse mendon se Rama dhe Basha kanë lidhje me këtë vendim, Berisha u shpreh; “padyshim që po”.
Pyetja: A është Edi Rama dhe Basha pas vendimit të Britanisë?
“Në qoftë se SHBA i ndalon vizat një personi, falë një traktati që kanë vendet anglosaksone, automatikisht u ndalohet. Me ç’kuptova unë nga letra nuk është ky ndalim mbi bazën e këtij traktati. Rama njoftoi i pari. Të akuzosh një tjetër për një aferë të një personi 14 vite më parë që është zbardhur 100% do të thotë të jesh i mashtruar. Këtë mund ta bëjë vetëm mafia shqiptare. Burimet janë të njëjta. Kam pasur të dhëna të sigurta se diplomatë nga DASH kanë bërë presion duke thënë “tani që kemi arritur konsensus për Ukrainën duhet të arrijmë konsensus edhe për çështjen Berisha”,-tha kreu i PD.
