Gentian Sharrës dhe babait të tij, Mustafa Sharra i janë sekuestruar pasuritë me vlerë rreth 5 milionë euro. Emri i Gentian Sharrës doli edhe në dëshminë e të penduarit të drejtësisë, Nuredin Dumani, i cili zbërthyeu vrasjet nga grupet e organizuara kriminale në vendin tonë.
Sipas policisë Gentian Sharra, 48 vjeç, banues në Elbasan, rezulton të jetë i dënuar më parë për aktivitet kriminal në fushën e trafikimit të lëndëve narkotike. Po ashtu ai është i dyshuar për grabitjen e një sasie të madhe parash në Rinas, ndërsa është i arrestuar në kuadër të operacionit policor “Golden bullet”.
Lidhur me grabitjen e Rinasit, Gentian Sharra, ishte personi që mori me qira asokohe servisin ku u modifikua furgoni që u përdor më pas për grabitjen në aeroport.
Servis “Genti”, ndodhet në rrugën e vjetër Elbasan-Rrethrrotulimi i Bradasheshit, dhe aty dyshohet se u modifikua enkas për grabitjen furgoni me mbishkrimin “Hetimi Tatimor”. Furgoni është bllokuar asokohe nga policia si provë metariale.
Oficerët sekuestruan prej andej kamerat e sigurisë, ndërkohë që, Gentian Sharra, ka konfirmuar se servisin ia kishte dhënë me qira shtetasit Eldi Çala.
