Ministri i Mbrojtjes, Niko Peleshi, me anë të një postimi në rrjetet sociale “Facebook”, ka bërë të ditur se për herë të parë është përdorur një dron për monitorimin e zjarreve në ishullin e Sazanit.
“Sot kemi përdorur për herë të parë Sistemet e fluturimit pa pilot (UAS) të tipit “PUMA RQ-20B”, për monitorimin e vatrave të zjarrit në Sazan (përveç përdorimit ushtarak), mundësuar për Forcën tonë Tokësore, nga partneriteti strategjik me SHBA.
Mirënjohje për mbështetjen e vazhdueshme dhe të pakursyer të SHBA.
Falenderim për efektivin e mirëtrainuar të FT dhe komandantin gjen. Arben Kingji”,-shkruan Peleshi.
