Kreu i grupit parlamentar socialist, Taulant Balla ka folur në një prononcim për mediat lidhur me zgjedhjen e presidentit të ri.
Balla sulmoi edhe kreun e PD, Sali Berisha, duke u shprehur se “fantazmat kanë një problem me gjeografinë”.
“Raporti i Komisionit të Ligjeve e ka sqaruar. Fantazmat kanë problem me gjeografinë. Të thuash që kjo çështje, që konsullata shqiptare në Stamboll nuk është tokë shqiptare, por është turke, është njësoj sikur ka thënë dikur që deti i Shqipërisë është i Greqisë, apo gjykatën e Parisit që e ka bërë gjykatë amerikane se nuk shkon dot vetë në Amerikë”,-tha Balla.
